Kritik an unsere Zeitung (Leserbrief) Nach den Ferien haben wir einen Brief von jemandem erhalten, der nicht unbedingt will, dass sein Name veröffentlicht wird. Er hat in diesem Brief einige Kritiken abgebracht, die wir ihm jetzt beantworten werden... Zuerst der Kritikbrief, damit ihr auch wisst, um was es geht! Sali zämä! Zerscht möcht ich ämal sägä, dass ichs super findä, dass ihr dschüälärziitig wietär fühäräd. Ich han eu scho bi dä letstä Usgab welä schriebä, shät eifach äs paar Sachä, wo ich ziemli schlächt findä. Äs gaht doch eifad nid, dass ihr hindäräm Arif Trolli (Looser) anä schriebäd. Das dörfäd ihr inärä Ziiting eifach niä machä, das git doch nu wiedär striit! Und das wänd ihr doch nid, odär!? Ich bi sälbär au nid än Fan vo Hip-Hop, aber im Fotiroman wärdäd diä ja wahnsinnig färtiggmacht. Ich cha eu scho värstah, wills mängmal äso isch, aber das därf mär eifach inärä Ziitig nid schriebä, wo dänn im ganzä Schuälhuus väröffäntlicht wird. Schlussändlich git au das wiedär Problem. Aber ich find au äs hät sehr guäti Artikäl dinä! Muässi also au sägä! Z.B. dWitz, Drogäartikäl, Geburtstagkaländär, Artikäl übär Bsuächstag.... Dä Artikäl übär Triple X isch au sehr guät und vom gstalterischä här, mönd eu eifach im Vorus übärlegä, wänd Ziitig usächunt, will wo dZiitig usächo isch, isch dä Film scho nümä im Kino gsi! Aber suscht wükli sehr än guätä Artikäl! Vilicht värstönd ihr mich au ächli, ich hoffä für eu, das äs nid zum Striit chunt! Entschuldigäd eu doch i dä nächstä Usgab. Wär au ä Möglichkeit. Guäti Ziit mitäm Trenn-Strich... Antwort Zerscht mal möchtäd mir eus für dä Briäf bedankä... Mir findäts guät, dass mal öpär Kritik abringt! Also, am Afang möchtämär eus natürlich bim Arif Trolli entschulidigä für das, dass irgänd so än L..... ... iebä so öpis gschriebä hät, wo mär inärä Zitig eifach nid schriebä dörf!!! Mir findäd au dass, das nur striit git und das wämer voll nid. Obwohl, das dä Arif nid so pärsönlich gno hät, will sie sind ja schliässlch guäti Kollegä, hämär eus glich welä entschuldigä! Jetzt zum Fotiroman... Hip Hop wird det uf kein Fall färtig gmacht, wänn dänn im Usdruck „Gangsters“, aber es isch nid äso gmeint, falls das öper so ufgna hät!? Bis jetzt ischäs vilicht äso, dass „Gangsters“ als Bösi dargschtellt wordä sind, aber das cha sich ja no ändärä!!! Das was mit äm Kinofilm Triple X passiert isch, wird natürlich nümä vorchoJ Zum Schluss möchtämär eus no ganz härzlich für alli Lob bedankä und probierät i dä nächschtä usgabe, wiä mär bis jetzt au scho immer gmacht, händ eusäs Beschti zgäh. By Julia & Nadine